اردو ورلڈ کینیڈا ( ویب نیوز )وزیر اعلیٰ پنجاب چوہدری پرویز الٰہی نے اپنے بیٹے مونس الٰہی کے بیان کی تائید کرتے ہوئے کہا کہ سابق آرمی چیف جنرل باجوہ نے تحریک عدم اعتماد کے وقت سابق وزیر اعظم عمران خان کی حمایت کرنے کا مشورہ دیا تھا۔
نجی ٹی وی چینل سے گفتگو کرتے ہوئے ان کا کہنا تھا کہ اللہ نے آخری لمحات میں ہمارا راستہ بدل دیا اور باجوہ صاحب کو راستہ دکھانے کے لیے بھیج دیا۔
انہوں نے انکشاف کیا کہ جنرل باجوہ نے انہیں بتایا کہ عمران خان بہتر آپشن تھے جبکہ انہوں نے سابق آرمی چیف کے سامنے شریفوں کے بارے میں اپنے خدشات کا اظہار کیا۔
پرویز الٰہی نے کہا کہ "میں جانتا تھا کہ شریف مجھے وزیراعلیٰ رہنے نہیں دیں گے جیسا کہ انہوں نے ماضی میں مجھے دھوکہ دیا ہے،”
مسلم لیگ (ق) کے رہنما نے کہا کہ ان کے بیٹے مونس نے انہیں پاکستان ڈیموکریٹک موومنٹ الائنس میں شامل ہونے کے بجائے پی ٹی آئی کی حمایت پر قائل کرنے میں اہم کردار ادا کیا۔
اسی طرح مونس الٰہی نے ایک نجی چینل کو انٹرویو دیتے ہوئے کہا سھا کہ مونس الٰہی نے انکشاف کیا کہ سابق وزیر اعظم عمران خان کے خلاف تحریک عدم اعتماد پیش ہونے پر سابق آرمی چیف نے انہیں پی ٹی آئی کی حمایت کرنے کا مشورہ دیا تھا۔
انہوں نے کہا کہ پاکستان تحریک انصاف (پی ٹی آئی) اور پاکستان ڈیموکریٹک موومنٹ (پی ڈی ایم) دونوں نے انہیں پیشکش کی تھی، تاہم جنرل (ر) باجوہ نے انہیں عمران خان کی حمایت کرنے کو کہا۔
