اردو ورلڈ کینیڈا ( ویب نیوز ) جنرل جاوید باجوہ 29 نومبر کو عہدے سے سبکدوش ہونگے ۔ان کا شمار طویل عرصے تک خدمات انجام دینے والے جرنیلوں میں ہوتا ہے۔ 62 سالہ جنرل باجوہ کی فوجی سروس 44 سال پر محیط ہے۔

انہوں نے 1978 میں فوج میں شمولیت اختیار کی اور 24 اکتوبر 1980 کو کمیشن حاصل کیا۔ وہ 2190 دن (6 سال) تک آرمی چیف ر ہے۔ انہوں نے 29 نومبر 2016 کو جنرل راحیل شریف کی جگہ کمان سنبھالی۔

اپنے فوجی دور میں انہوں نے 5 وزرائے اعظم (نواز شریف، شاہد خاقان عباسی، نگران جسٹس (ر) ناصر الملک، عمران خان اور شہباز شریف کے ساتھ کام کیا۔ موجودہ صدر عارف علوی اور ممنون حسین مرحوم کے ادوار دیکھے۔ 28 نومبر 2019 کو سپریم کورٹ نے ان کی مدت ملازمت میں توسیع کے حکم کو معطل کرتے ہوئے کہا کہ ایسا کوئی قانون نہیں ہے۔

تاہم عدالت نے حکومت کی اس یقین دہانی پر کہا کہ پارلیمنٹ مدت میں توسیع کے لیے آئین بنائے گی۔ جنرل باجوہ کو 6 ماہ کی توسیع دی گئی۔ بعد ازاں قانون کی پارلیمانی منظوری کے بعد 28 جنوری 2020 کو مدت ملازمت میں مزید تین سال کی توسیع کر دی گئی۔