ishtiaq ahmed 
الیکشن کمیشن کے اعلامیے میں کہا گیا ہے کہ حلقہ بندیوں پر اعتراضات اور تجاویز سننے کے بعد حتمی فہرست 30 نومبر کو جاری کی جائے گی۔
اعلامیے کے مطابق حتمی فہرست کے 54 دن بعد عام انتخابات جنوری کے آخری ہفتے میں ہوں گے، حتمی فہرست کے بعد 54 دن کا انتخابی پروگرام ہوگا۔
واضح رہے کہ سیاسی جماعتوں کی جانب سے نگراں حکومت اور الیکشن کمیشن سے ملک میں قبل از وقت اور شفاف عام انتخابات کرانے کا مطالبہ زور پکڑتا جا رہا تھا۔
اس حوالے سے نگراں حکومت کا موقف تھا کہ انتخابات کرانا الیکشن کمیشن کا کام ہے اور الیکشن کمیشن عام انتخابات کی تاریخ دے گا، الیکشن کمیشن جب بھی انتخابات کی تاریخ دے گا ہم اس کے لیے تیار ہیں۔
گزشتہ روز جاری ہونے والی ایشیائی ترقیاتی بینک کی رپورٹ میں بھی کہا گیا ہے کہ رواں مالی سال کے دوران انتخابات کے باعث پاکستان کی معیشت میں بہتری کا امکان ہے
