اردو ورلڈ کینیڈا ( ویب نیوز )سابق ڈی جی آئی ایس آئی لیفٹیننٹ جنرل (ر) فیض حمید نے کہا ہے کہ وہ کبھی سیاست میں نہیں آئیں گے۔

ایک روزنامے کے مطابق انہوں نے گفتگو کرتے ہوئے کہا کہ سیاست میں آنے کی باتیں سراسر غلط ہیں، دو سال کی پابندی کے بعد سیاست کا حصہ بنوں گا ا ور نہ اس کے بعد کبھی سیاست میں آئوں گا

ریٹائرڈ جنرل کے حوالے سے ماضی قریب میں یہ کہا جارہا تھا کہ انہیں عمران خان آرمی چیف بنانے کی خواہش رکھتے ہیں

لیفٹیننٹ جنرل فیض حمید نے قبل از وقت ریٹائرمنٹ لے لی

جب روزنامے کے نامہ نگار نے ان سے رابطہ کیا اور ان کے سیاست یا پی ٹی آئی میں شمولیت کا ارادہ دریافت کیا تو ان کا کہنا تھا کہ وہ نہ کسی پارٹی میں شامل ہوں گے اور نہ ہی سیاست میں آئیں گے

اس سے قبل ایک ویڈیو فوٹیج وائرل ہوئی تھی جس میں ایک شخص نے ریٹائرڈ جنرل کو سیاست میں حصہ لینے کی دعوت دی اور کہا کہ وہ ملک کی ترقی میں اپنا کردار ادا کریں تاہم اس حوالے سے بھی فیض حمید نے تردید کردی ہے۔