اردوورلڈ کینیڈا( ویب نیوز)جرمن پولیس نے ایک ریلی کے دوران انتہائی دائیں بازو کی جماعت کے رہنما پر چاقو سے حملہ کرنے والے شخص کو گولی مار کر ہلاک کر دیا.
ورلڈ نیوز ایجنسی کے مطابق جرمنی کے ایک مرکزی بازار میں انتہا پسند اسلام مخالف رہنما مائیکل سٹورزنبرگر ایک اجتماع سے خطاب کر رہے تھے اور اس دوران چاقو بردار شخص نے حملہ کر دیا.
حملہ آور نے اسلام مخالف رہنما کو بچانے کے لیے آنے والے پولیس اہلکار پر بھی وار کیا جس پر دوسرے پولیس اہلکار نے حملہ آور کو گولی مار دی.
گولی لگنے کے نتیجے میں حملہ آور زمین پر گر گیا اور اسے ہسپتال لے جایا گیا. کہا جاتا ہے کہ اس کی حالت خطرے سے باہر ہے. تاہم چاقو چلانے والے حملہ آور کی شناخت ظاہر نہیں کی گئی ہے.
سوشل میڈیا فوٹیج میں دیکھا جا سکتا ہے کہ داڑھی والے شخص کو زخمی حالت میں ہسپتال لے جایا جا رہا ہے.
واضح رہے کہ 59 سالہ اسٹورزنبرگر ایک سیاست دان اور بلاگر ہیں جو اسلام کی مخالفت کے لیے شہرت رکھتے ہیں. ان کی جماعت فلسطین اور دیگر مسلم ممالک سے جرمنی آنے والے مسلمانوں کو روکنے کے لیے باقاعدہ مہم چلا رہی ہے.
