اردوورلڈ کینیڈا( ویب نیوز)گلگت بلتستان حکومت کا ہیلی کاپٹر چلاس تھور کے مقام پر کریش کر گیا، جس کے نتیجے میں تین افراد زخمی ہوئے۔

حکومت گلگت بلتستان کے ترجمان فیض اللہ فراق کے مطابق، ہیلی کاپٹر فنی خرابی کے باعث لینڈ کرنے کے بعد دوبارہ کریش ہو گیا۔ ہیلی کاپٹر میں دو پائلٹ اور تین تکنیکی عملہ سوار تھا۔ فیض اللہ فراق نے بتایا کہ ہیلی کاپٹر سے آگ بجھانے کی کوششیں جاری ہیں۔

وزیراعلیٰ گلگت بلتستان نے افسوس کا اظہار کیا اور متعلقہ حکام کو موقع پر پہنچنے کی ہدایت دی۔ ضلعی انتظامیہ، کمانڈر ایف سی این، ڈی جی گلگت بلتستان اسکاؤٹس، کمشنر دیامر اور عوام کی بڑی تعداد بھی موقع پر موجود ہے۔