127
اُردو ورلڈ کینیڈا (ویب نیوز) گلگت بلتستان کے ضلع دیامر کی وادی داریل میں
نامعلوم شرپسندوں نے رات کی تاریکی میں گرلز سکول کو آگ لگا دی۔
دیامر پولیس کے ایمرجنسی کنٹرول روم کے مطابق رات گئے 3 شرپسندوں نے اسکول کو آگ لگا دی اور فرار ہوگئے۔
نامعلوم افراد کے خلاف انسداد دہشت گردی ایکٹ کے تحت مقدمہ درج کر لیا گیا ہے۔
ایف آئی آر کے مطابق شرپسندوں نے گرلز مڈل سکول کو آگ لگا دی اور فرار ہو گئے
جس کے نتیجے میں فرنیچر اور دیگر سامان مکمل طور پر جل گیا۔
حکومتی ترجمان علی تاج کے مطابق گلگت بلتستان کے وزیر اعلیٰ خالد خورشید نے واقعے کی تحقیقات اور تعلیمی سرگرمیاں بحال کرنے کے لیے اسکول کی فوری مرمت کا حکم دیا ہے
۔ ابھی تک کسی نے اسکول کو آگ لگانے کی ذمہ داری قبول نہیں کی ہے۔
