کینیڈا جائیں ، ٹافیاں کھائیں اور سالانہ 78,000 ڈالرکمائیں

194

اردوورلڈ کینیڈا ( ویب نیوز ) کینیڈا کی ایک ٹافی اور کینڈی بنانے والی کمپنی نے کہا ہے کہ اسے اپنی میٹھی ٹافیوں کیلئے ایک ماہر ذائقہ دار کی ضرورت ہے، جسے 78,000 ڈالر سالانہ تنخواہ دی جائے گی۔

اس طرح گھر بیٹھے منہ میٹھا کرتے رہیں اور ساتھ میں کروڑ روپے سے زائد کی تنخواہ بھی پائیں۔ کمپنی کے مطابق یہ ملازمت گھر بیٹھے کی جاسکتی ہے۔ بس آپ میں اچھی چاکلیٹ، گمیز، چپٹے لالی پاپ اور ٹافیاں کھانے کی عادت ہونی چاہیے اور ذائقے کا احساس بھی ہو تو کیا بات ہے۔

مشہور کافی کمپنی Candy Funhaus کو ایک چیف کینڈی آفیسر کی ضرورت ہے جو مختلف ٹافیوں کا مزہ چکھ سکے اور ان کے ذائقے کی بنیاد پر ان کی مقبولیت کا اندازہ لگا سکے۔
کینڈی فن ہا ئوس کے سربراہ جمال حجازی نے کہا کہ لوگوں نے خوبصورت اور جذباتی درخواستیں اور پیغامات بھیجے ہیں۔ کچھ لوگوں نے ویڈیو میں کہا ہے کہ وہ اور ان کا پورا خاندان ان کی مصنوعات کو چکھنے کے بعد بہترین فیصلہ کریں گے۔

Candy Funhaus کی بنیاد 2018 میں رکھی گئی تھی اور اب ایک مقبول ٹافی کمپنی بن چکی ہے۔ جمال نے بتایا کہ عالمی وبا کے دوران ان کی مصنوعات مقبول ہوئیں اور ڈیڑھ ملین ڈالر کی فروخت ہوئی۔ ان کی مصنوعات ہالووین پر متعدد بار فروخت ہوئیں جو کہ ایک ریکارڈ بھی ہے۔