اردو ورلڈ کینیڈا ( ویب نیوز ) رواں سال بھارت میں ہونے والے آئی سی سی کرکٹ ورلڈ کپ کے میچز دیکھنے کے خواہشمند شائقین کے لیے بڑی خوشخبری آگئی.

آئی سی سی نے ورلڈ کپ 2023 کے دوسرے مرحلے کے لیے اضافی ٹکٹوں کی فروخت کا اعلان کر دیا ہے۔

یہ بھی پڑھیں

آئی سی سی کا ورلڈ کپ کے ٹکٹوں کی فروخت کیلئے تاریخوں کا اعلان

آئی سی سی کے مطابق اب دوسرے مرحلے میں 4 لاکھ اضافی ٹکٹس فروخت کے لیے دستیاب ہوں گے۔آئی سی سی نے اپنے بیان میں کہا کہ بھارتی بورڈ نے یہ فیصلہ میزبان ایسوسی ایشن سے مشاورت کے بعد کیا۔ ٹکٹوں کی عام فروخت 8 ستمبر سے شروع ہوگی۔اضافی ٹکٹوں کی دستیابی سے زیادہ شائقین ورلڈ کپ سے لطف اندوز ہو سکیں گے۔واضح رہے کہ آئی سی سی کرکٹ ورلڈ کپ 5 اکتوبر سے بھارت میں شروع ہوگا۔