اردو ورلڈ کینیڈا ( ویب نیوز )مزدوروں کے لیے خوشخبری، حکومت نے کم از کم اجرت بڑھانے کا فیصلہ کر لیا۔

سیکرٹری لیبر کی زیر صدارت کم از کم اجرت کے حوالے سے اجلاس ہوا۔ اجلاس میں فیصلہ کیا گیا کہ مزدور کو کم از کم اجرت 32 ہزار روپے ماہانہ دی جائے گی
اجلاس میں بریفنگ دی گئی کہ مہنگائی کے باعث دیہاڑی دار مزدور بری طرح متاثر ہو رہے ہیں، روزی کی تلاش میں صبح سویرے نکلنے والے مزدور کام نہ ہونے کی وجہ سے شام کو خالی ہاتھ گھروں کو لوٹنے پر مجبور ہیں۔
مزدوروں کا کہنا ہے کہ اب روزی کمانا بہت مشکل ہو گیا ہے، مہنگائی بڑھ رہی ہے، اب روزی کمانا بہت مشکل ہو گیا ہے۔
سڑک کنارے بیٹھے مزدوروں نے حکومت سے مہنگائی کم کرنے اور یومیہ اجرت کمانے والوں کے لیے ریلیف پیکج کا اعلان کرنے کا بھی مطالبہ کیا۔