اردو ورلڈ کینیڈا ( ویب نیوز ) فوری پیغام رسانی کی ایپلی کیشن واٹس ایپ نے پیغامات کو نمایاں کرنے اور پیغامات کے اندر گوگل سرچ کو سرایت کرنے کی جانچ شروع کردی ہے۔ایک ویب سائٹ کے مطابق جو واٹس ایپ اپ ڈیٹس کی نگرانی کرتی ہے، واٹس ایپ پیغامات میں ایک فیچر کا تجربہ کیا جا رہا ہے، جس کے ذریعے گوگل لنکس خود بخود اہم معلومات یا پیغامات کے لنکس میں شامل ہو جائیں گے۔یعنی اگر کوئی شخص پی ٹی اے سے متعلق پیغام کسی دوسرے صارف کو بھیجے گا تو واٹس ایپ سسٹم پی ٹی اے کو انڈر لائن کرے گا اور اسے گوگل سے لنک کرے گا اور صارف پی ٹی اے سے متعلق گوگل پر کلک کرے گا۔
پیغام کے اندر ہی معلومات حاصل کرنے کے قابل ہو جائے گا۔کمپنی کے مطابق مذکورہ فیچر کی جانچ کا مقصد صارفین کے لیے معلومات کی تصدیق یا معلومات کے بارے میں مزید معلومات حاصل کرنے کے لیے متعارف کرایا جا رہا ہے۔فیچر کے تحت، صارف کو موصول ہونے والے پیغامات میں کلیدی الفاظ خود بخود انڈر لائن ہو جائیں گے اور گوگل سرچز سے منسلک ہو جائیں گے۔اس فیچر کو محدود صارفین تک آزمائشی رسائی دی گئی ہے، یہ کہنا قبل از وقت ہے کہ اسے کب متعارف کرایا جائے گا، لیکن امکان ہے کہ اسے اگلے سال تک متعارف کرایا جائے گا۔
