اس سال اپریل میں گوگل نے امریکی صارفین کے لیے یوٹیوب میوزک کی سبسکرپشن کے بغیر پوڈ کاسٹ سننا ممکن بنایا۔ صارفین اس فیچر کا استعمال کرتے ہوئے پوڈ کاسٹ آف لائن بھی سن سکتے ہیں۔یوٹیوب کے ایک اعلان کے مطابق پوڈ کاسٹ 2023 کے آخر تک عالمی سطح پر یوٹیوب میوزک میں دستیاب ہوں گے۔
2018 میں اینڈرائیڈ پر شروع کی گئی پوڈ کاسٹ ایپ نے صارفین کو مفت میں پوڈ کاسٹ کی لائبریری فراہم کی۔ 2020 میں، گوگل نے ایپ کو بہتر بنایا اور اسے iOS پر لانچ کیا۔ فی الحال، یہ سروس ویب، ونڈوز اور میک او ایس پر بھی دستیاب ہے۔ایک بلاگ سپاٹ پوسٹ میں، یوٹیوب نے لکھا کہ 2024 میں کمپنی یوٹیوب میوزک میں پوڈ کاسٹ کے تجربے میں سرمایہ کاری میں اضافہ کرے گی اور 2024 کے بعد کے حصے میں گوگل پوڈ کاسٹ بند کر دیے جائیں گے۔واضح رہے کہ اس سے قبل گوگل نے جی میل کا ایچ ٹی ایم ایل بیسک ویو فیچر ختم کرنے کا اعلان کیا تھا۔