یورپی یونین کے شہری خطے میں پالیسیوں اور قوانین کی منظوری کے لیے جون میں ایک نئی یورپی پارلیمان کا انتخاب کریں گے، کیونکہ قانون سازوں کو خدشہ ہے کہ آن لائن غلط معلومات کے پھیلاؤ سے ووٹرز متاثر ہو سکتے ہیں۔ اس حوالے سے گوگل نے انتخابات سے قبل غلط معلومات کے خلاف مہم شروع کرنے کا اعلان کیا ہے۔
رائٹرز کو گوگل کی طرف سے بتایا گیا کہ گوگل آن لائن پلیٹ فارمز پر نامناسب مواد سے نمٹنے کے لیے سخت قوانین وضع کر رہا ہے۔رپورٹ کے مطابق گوگل یورپی یونین کے پانچ ممالک بیلجیئم، فرانس، جرمنی، اٹلی اور پولینڈ میں ٹک ٹاک اور یوٹیوب جیسے پلیٹ فارمز پر اشتہارات کی ایک سیریز چلائے گا اور ان اشتہارات کا 24 یورپی زبانوں میں ترجمہ بھی کیا جائے گا۔گوگل کے مطابق، اشتہارات کیمبرج اور برسٹل یونیورسٹیوں کے محققین کے تعاون سے تیار کی گئی "پری بینکنگ” تکنیک کا استعمال کریں گے، یہ واحد تکنیک ہے جو سیاسی میدان میں مؤثر طریقے سے کام کرے گی۔
گوگل حکام کا کہنا ہے کہ اس تکنیک سے ناظرین کو غلط معلومات اور جھوٹے مواد کی نشاندہی کرنے میں مدد ملے گی اس سے پہلے کہ وہ اس کا سامنا کریں۔ مہم کے بارے میں، گوگل کا کہنا ہے کہ یوٹیوب پر اشتہارات دیکھنے والے ناظرین سے کہا جائے گا کہ وہ ایک مختصر کثیر انتخابی سوالنامہ پُر کریں جو یہ معلوم کرنے کے لیے بنایا گیا ہے کہ انھوں نے آن لائن پلیٹ فارمز پر کس قسم کی انتخابی غلط معلومات دیکھی ہیں۔
