واضح رہے کہ گوگل نے حالیہ مہینوں میں مصنوعی ذہانت (AI) ٹیکنالوجی کو کئی سروسز کا حصہ بنایا ہے۔اب کمپنی گوگل میپس کے لیے ایک AI چیٹ بوٹ متعارف کرانے کے لیے تیار ہے۔اینڈرائیڈ اتھارٹی کی ایک رپورٹ کے مطابق گوگل میپس کے بیٹا ورژن میں موجود کوڈ AI چیٹ بوٹ کے اضافے کی طرف اشارہ کرتا ہے۔

یہ بھی پڑھیں

 گوگل میپس کے اینڈرائیڈ صارفین کیلئے کارآمد فیچر متعارف 

گوگل میپس نے AI ٹیکنالوجی پر مبنی بہت سے بہترین فیچرز متعارف کرائے ہیں۔لیکن ابھی تک یہ واضح نہیں ہے کہ یہ AI چیٹ بوٹ کیسے کام کرے گا اور یہ صارفین کی مدد کیسے کرے گا۔تاہم، رپورٹ میں تجویز کیا گیا ہے کہ یہ چیٹ بوٹ گوگل میپس میں تجزیے اور تبصرے پوسٹ کرنے میں مدد کرے گا۔ایک امکان یہ ہے کہ یہ چیٹ بوٹ صارفین کو سفری مشورے فراہم کر سکتا ہے۔

مزید پڑھیں

گوگل اب آپ کوروانی سے انگلش بولنا سیکھانے کیلئے تیار

گوگل نے ابھی تک اس چیٹ بوٹ کے بارے میں کچھ اعلان نہیں کیا ہے، اس لیے یہ کہنا مشکل ہے کہ اسے کب تمام صارفین کے لیے متعارف کرایا جائے گا۔اس سے قبل اکتوبر 2023 میں گوگل میپس نے اے آئی ٹیکنالوجی پر مبنی کئی فیچرز شامل کیے تھے، جو آنے والے مہینوں میں صارفین کے لیے دستیاب ہوں گے۔اس وقت کمپنی کا کہنا تھا کہ میپس میں سرچ کو اپ ڈیٹ کیا جا رہا ہے تاکہ صارفین کو مخصوص جگہوں یا چیزوں کی تلاش میں آسانی ہو۔اسی طرح ارد گرد کے علاقوں کو زیادہ درست طریقے سے دکھانے کے لیے Maps کے نیویگیشن انٹرفیس کو بھی تبدیل کیا جا رہا ہے۔اس مقصد کے لیے گوگل میپس میں رنگوں کو اپ ڈیٹ کیا گیا ہے تاکہ لوگوں کو سڑکوں، پارکوں اور دیگر مقامات کا درست اندازہ ہو سکے۔