اردو ورلڈ کینیڈا ( ویب نیوز)گورنر خیبر پختونخوا حاجی غلام علی نے چیف الیکشن کمشنر کو خط لکھ کر صوبے میں انتخابات کی تاریخ تجویز کی ہے۔
چیف الیکشن کمشنر کو لکھے گئے خط میں گورنر کے پی غلام علی نے صوبے میں 8 اکتوبر کو انتخابات کی تاریخ دے دی۔

خط میں گورنر کے پی نے دہشت گردی کے حالیہ واقعات پر بھی لکھا، انہوں نے لکھا کہ جنوبی وزیرستان میں سرحد پار سے فائرنگ ہوئی، کوہاٹ میں آرمی کی گاڑی پر حملہ ہوا، جنوبی وزیرستان میں بھی دہشت گردوں سے فائرنگ کا تبادلہ ہوا۔ .
حاجی غلام نبی نے لکھا کہ دہشت گردوں نے باڑہ تھانے پر بھی فائرنگ کی، ڈی آئی خان میں بھی تھانے پر حملہ ہوا، 21 مارچ کو حملوں میں 3 جوان شہید ہوئے۔
گورنر کے پی کے نے خط میں لکھا کہ جنوبی وزیرستان میں بریگیڈیئر مصطفیٰ کمال برکی کے قافلے پر حملہ ہوا، حملے میں بریگیڈیئر مصطفی کمال برکی شہید اور سات افراد زخمی ہوئے۔
واضح رہے کہ الیکشن کمیشن آف پاکستان نے پنجاب میں 30 اپریل کو ہونے والے عام انتخابات کا شیڈول منسوخ کرتے ہوئے 8 اکتوبر کو انتخابات کی تاریخ کا اعلان کیا ہے۔