اردو ورلڈ کینیڈا ( ویب نیوز ) ہندوستانی کرکٹ ٹیم فروری میں آئی سی سی چیمپئنز ٹرافی میچ کھیلنے پاکستان آئے گی لیکن میچ کھیلنے کے بعد وہ رات پاکستان میں نہیں گزارے گی۔بھارتی ٹیم میچ کھیلنے کے بعد کستان چھوڑ دے گی اور رات بھارت میں گزارے گی ،پاکستان کرکٹ بورڈ آئی سی سی چیمپئنز ٹرافی میں ہندوستان کے میچوں کی میزبانی کے معاملے میں اس حد تک لچک دکھانے کے لیے تیار ہے کہ ہندوستانی کرکٹ ٹیم نئی دہلی، امرتسر یا موہالی میں رہے گی اور میچ کھیلنے پاکستان آئیگی۔ ئیں، پاکستان چارٹرڈ فلائٹ انتظامات اور متعدد ویزے فراہم کرنے کے لیے تیار ہے۔
پی سی بی کے انتہائی ذمہ دار ذرائع کے مطابق اس سلسلے میں پاکستان کرکٹ بورڈ اور انڈین بورڈ کے درمیان ای میل اور ٹیلی فون رابطے ہوئے ہیں ۔کوالالمپور میں ایشین کرکٹ کونسل کے اجلاس کے دوران دونوں بورڈز کے اعلیٰ عہدیداروں کے درمیان اس سلسلے میں بات چیت ہوئی ہے۔ذرائع کا کہنا ہے کہ جب انڈین بورڈ نے اس سلسلے میں پاکستان کرکٹ بورڈ سے رابطہ کیا تو پاکستان کرکٹ بورڈ نے مکمل تعاون کی یقین دہانی کرائی۔ذمہ دار ذرائع کا کہنا ہے کہ عام طور پر پاکستان ہندوستانی کرکٹ ٹیم کو سنگل انٹری ویزا دیتا ہے لیکن پاکستان نے متعدد ویزا جاری کرنے کی یقین دہانی کرائی ہے جبکہ پاکستان نے کہا ہے کہ اگر یہ تجویز ممکن ہو تو ہم چارٹر پرواز کا انتظام کرنے کے لئے بھی تیار ہیں ۔آئی سی سی کے بھارتی براڈکاسٹر کی جانب سے ایک تجویز آئی ہے کہ بھارت لاہور کے بجائے راولپنڈی میں میچ کرائے جس کی پاکستان نے حمایت کی ہے۔
