اردو ورلڈ کینیڈا ( ویب نیوز ) آئی سی سی چیمپئنز ٹرافی کے لیے پاکستان کا دورہ کرنے کے خواہشمند ہندوستانی شائقین کے لیے ویزا کی تیز رفتار پالیسی ہوگی۔محسن نقوی نے یہ یقین دہانی جمعہ کو امریکہ سے آنے والے سکھ زائرین کے ایک گروپ سے ملاقات کے دوران کرائی ، محسن نقوی نے کہا کہ پاکستان آنے والے ہندوستانی شائقین کے میچوں میں ٹکٹوں کا خصوصی کوٹہ رکھیں گے جبکہ وقت پر ویزا جاری کرنے کی پالیسی کو تیز کرنے کی کوشش کریں گے۔محسن نقوی نے مزید کہا کہ پی سی بی چاہتا ہے کہ ہندوستانی شائقین پاکستان کا دورہ کریں اور لاہور میں پاکستان اور بھارت کے درمیان میچ دیکھیں۔
یہ بھی پڑھیں
چیمپئنز ٹرافی،شائقین کرکٹ کیلئے بڑی خوشخبری،بھارتی ٹیم پاکستان آنے کیلئے تیار
لیکن اب تک آئی سی سی نے ٹورنامنٹ کا شیڈول جاری نہیں کیا ہے۔آئی سی سی اس بات کی تصدیق کا انتظار کر رہی ہے کہ آیا بھارتی حکومت اپنی کرکٹ ٹیم کو چیمپئنز ٹرافی کے لیے پاکستان جانے کی اجازت دے گی۔. دوسری جانب انڈین کرکٹ بورڈ (بی سی سی آئی) نے واضح کیا ہے کہ اسے دورہ پاکستان کے حوالے سے اپنی حکومت کے کسی بھی پالیسی فیصلے پر عمل کرنا ہوگا۔. قابل ذکر بات یہ ہے کہ 2008 کے ممبئی حملے کے بعد سے ہندوستانی کرکٹ ٹیم نے پاکستان کا دورہ نہیں کیا ہے جبکہ 2007 کے بعد سے دونوں ممالک کے درمیان کوئی ٹیسٹ سیریز نہیں ہوئی ہے۔
