غیر ملکی میڈیا کے مطابق حماس آج مزید اسرائیلی یرغمالیوں کو رہا کرے گی۔ اسرائیل اور حماس کے درمیان 4 روزہ عارضی جنگ بندی معاہدے کے تحت گزشتہ روز حماس نے 24 اور اسرائیل نے 39 فلسطینی قیدیوں کو رہا کیا۔اسرائیلی وزیر اعظم نیتن یاہو کے دفتر سے جاری بیان کے مطابق حماس کی جانب سے آج جاری کی گئی اسرائیلیوں کی فہرست کا جائزہ لیا جا رہا ہے۔ دوسری جانب اسرائیل کی فضائی حدود میں طیارے کی موجودگی کے شبے میں شمالی علاقے میں سائرن بجائے گئے۔

یہ بھی پڑھیں

جنگ بندی معاہدہ،حماس نے 24 ، اسرائیل نے 39 یرغمالیوں کو رہا کر دیا

حماس کے سربراہ اسماعیل ہنیہ کا کہنا ہے کہ حماس یرغمالیوں کی رہائی اور دیگر نکات سمیت 4 روزہ جنگ بندی پر عمل کرے گی تاہم اس کا انحصار اسرائیل کی جانب سے معاہدے پر مکمل عمل درآمد پر ہے۔ حماس اور اسرائیلی فوج کے درمیان جنگ کوجمعہ کی صبح سے روک دیا گیا۔ سات ہفتوں میں جنگ میں یہ پہلا وقفہ ہے۔7 اکتوبر سے غزہ میں 6 ہزار سے زائد بچوں سمیت 15 ہزار فلسطینی شہید ہو چکے ہیں۔