اردو ورلڈ کینیڈا ( ویب نیوز ) حماس کے عسکری ونگ القسام بریگیڈز نے اسرائیل کے ساتھ جاری کشیدگی کے دوران ایران کے ساتھ مکمل یکجہتی کا اظہار کیا ہے ۔

ذرائع کے مطابق حماس کے مسلح ونگ القسام بریگیڈز نے اسرائیل کے ساتھ جنگ میں ایران کی حمایت کا اعلان کرتے ہوئے ایک بیان جاری کیا ہے۔القسام بریگیڈز کے جاری کردہ بیان میں کہا گیا ہے کہ ہم ایران، اس کی قیادت اور اس کے عوام کے ساتھ کھڑے ہیں۔حماس کے عسکری ونگ نے اسرائیلی حملوں میں اعلیٰ ایرانی فوجی کمانڈروں اور عام شہریوں کی ہلاکت پر افسوس کا اظہار کیا۔القسام بریگیڈز نے اسرائیلی حملوں پر ایرانی ردعمل کے جواب میں کہا کہ ایران نے اسرائیل کی بنیادیں ہلا دی ہیں۔القسام بریگیڈز نے فلسطینی کاز اور مزاحمت کی حمایت میں ایرانی رہنماؤں کے تاریخی اور فیصلہ کن کردار کی بھی تعریف کی۔