اسرائیلی میڈیا کے مطابق حماس کے ملٹری کمانڈر محمد الضعیف کی جانب سے جاری کردہ آڈیو بیان میں پاکستان، ملائیشیا، اردن، لبنان اور دیگر عرب اور اسلامی ممالک سے فلسطین کی طرف مارچ کرنے کی اپیل کی گئی ہے۔محمد الضعیف نے بیان میں مزید کہا کہ فلسطین کی طرف کل نہیں بلکہ آج اور ابھی مارچ کریں۔

سرحدوں اور پابندیوں کو مسجد اقصیٰ کو آزاد کرانے کے جہاد میں رکاوٹ نہ بننے دیں۔اسرائیلی اخبار کے مطابق رمضان المبارک کے فوراً بعد اسرائیل نے 6 ہفتوں تک رفح میں حملوں کا منصوبہ بنایا ہے۔ ان حملوں کے بعد فلسطینیوں کو غزہ سے نکال دیا جائے گا اور اسرائیل مصر کو باضابطہ طور پر آگاہ کرے گا۔7 اکتوبر 2023 سے اب تک غزہ پر اسرائیل کے وحشیانہ حملوں میں شہید ہونے والے فلسطینیوں کی تعداد 32 ہزار سے تجاوز کر گئی ہے۔