اردو ورلڈ کینیڈا ( ویب نیوز ) حماس نے اسرائیل کی جانب سے پیش کی گئی 34 یرغمالیوں کی فہرست کی منظوری دے دی۔
بین الاقوامی میڈیا کے مطابق حماس نے کہا کہ یرغمالیوں کا تبادلہ جنگ بندی معاہدے کا حصہ ہو گا اور کسی بھی معاہدے کا انحصار اسرائیلی فوج کے انخلاء اور جنگ بندی پر ہو گا۔حماس نے مزید کہا کہ اس نے غزہ سے انخلاء یا مستقل جنگ بندی کے معاملات پر اسرائیل کی طرف سے کوئی پیش رفت نہیں دیکھی۔
قبل ازیں اسرائیلی فورسز نے خان یونس میں ایک گاڑی پر ڈرون حملہ کیا اور رہائشی علاقوں پر بمباری کی جس کے نتیجے میں 65 سے زائد فلسطینی شہید ہوگئے۔ ایمنسٹی انٹرنیشنل کا کہنا ہے کہ اسرائیل کی جانب سے کمال عدوان ہسپتال کے ڈائریکٹر کو حراست میں لینا غزہ میں صحت کے شعبے کو تباہ کرنے اور نسل کشی کرنے کے ارادے کو ظاہر کرتا ہے۔مصر اور قطر کی کوششوں کی بدولت قطر میں غزہ جنگ بندی کے مذاکرات دوبارہ شروع ہو گئے ہیں۔حماس کے رہنما باسم نعیم نے اسرائیلی فوج کے انخلاء اور بے گھر فلسطینیوں کی واپسی کو معاہدے کے لیے ضروری قرار دیا ہے۔
