حماس کے رہنما موسیٰ ابو مرزوق نے جنگ بندی کے حوالے سے سوال کا جواب دیتے ہوئے کہا کہ حماس ایسی کسی بھی کوشش اور تمام سیاسی مذاکرات کے لیے تیار ہے۔
واضح رہے کہ اسرائیل کے غزہ پر مسلسل تیسرے روز بھی حملے جاری ہیں، 800 سے زائد فضائی حملوں میں خواتین اور بچوں سمیت 687 فلسطینی شہید اور 3726 سے زائد زخمی ہوچکے ہیں۔
اسرائیلی حملوں میں 7 مساجد اور 72 رہائشی عمارتیں مکمل طور پر تباہ ہو گئیں جب کہ 5 ہزار سے زائد افراد کو نقصان پہنچا، درجنوں افراد کے ملبے تلے دبے ہونے کا خدشہ ہے۔
دوسری جانب غزہ پر اسرائیلی بمباری سے حماس کے زیر حراست 4 اسرائیلی بھی مارے گئے جب کہ حماس کی کارروائیوں میں اب تک 73 فوجیوں سمیت ایک ہزار اسرائیلی ہلاک ہوچکے ہیں۔
گزشتہ روز حماس نے غزہ پر حملوں کے جواب میں اسرائیلی قیدیوں کو قتل کرنے کی دھمکی دی تھی۔