غیر ملکی خبر رساں اداروں کے مطابق حماس حکام نے ثالثوں کو آگاہ کیا ہے کہ حماس غزہ میں عارضی جنگ بندی میں مزید 2 سے 4 روز کی توسیع کے لیے تیار ہے۔ جنگ بندی میں توسیع کا مقصد مزید 20 سے 40 اسرائیلی قیدیوں کو رہا کرنا ہے۔
دوسری جانب اسرائیلی وزیر اعظم بنجمن نیتن یاہو نے ایک بار پھر ہٹ دھرمی کا مظاہرہ کرتے ہوئے جنگ بندی میں توسیع کے بجائے فتح تک جنگ جاری رکھنے کی دھمکی دے دی۔ امریکا اور دیگر ممالک اسرائیل سے جنگ بندی میں اضافے کا مطالبہ کر رہے ہیں۔7 اکتوبر سے اب تک اسرائیل کے حملوں میں ہزاروں بچوں سمیت 15 ہزار فلسطینی شہید ہو چکے ہیں۔