کیا اے آئی ٹیکنالوجی انسانی ملازمتیں چھیننے کے قابل ہو چکی؟ماہرین کا حیرت انگیز انکشاف

اردو ورلڈ کینیڈا ( ویب نیوز ) مصنوعی ذہانت (AI) ٹیکنالوجی میں حالیہ پیشرفت نے لوگوں کو خوف میں مبتلا کر دیا ہے کہ ان کی ملازمتیں خطرے میں ہیں۔کیا یہ خیال واقعی درست ہے؟ اس حوالے سے ماہرین کی رائے ایک نئی رپورٹ میں سامنے آئی ہے۔رپورٹ میں کہا گیا ہے کہ اے آئی ٹیکنالوجی ابھی تک انسانوں کو تبدیل کرنے کے قابل نہیں ہے۔درحقیقت ہائرنگ لیب کی رپورٹ، جس میں 2،800 سے زیادہ ملازمتوں سے وابستہ مہارتوں کا جائزہ لیا گیا، پتہ چلا کہ AI ٹیکنالوجی ان کی جگہ لینے کا امکان نہیں رکھتی۔

رپورٹ کے مطابق، 68.7% مہارتوں کو AI ٹیکنالوجی سے تبدیل کرنے کا امکان نہیں ہے، جب کہ 28.5% ان کی جگہ لینے کا امکان رکھتے ہیں۔رپورٹ مرتب کرنے والے ماہرین نے کہا کہ گزشتہ سال کے دوران، ہم نے 10 لاکھ سے زائد ملازمت کے اشتہارات کا جائزہ لیا اور پھر تجزیہ کیا کہ آیا AI ٹیکنالوجی مخصوص ملازمتوں میں انسانوں کی جگہ لے سکتی ہے۔انہوں نے مزید کہا کہ اس تجزیے کے نتائج چونکا دینے والے ہیں کیونکہ اس بات کا کوئی امکان نہیں ہے کہ AI ٹیکنالوجی کسی بھی انسانی صلاحیت کو بدل سکتی ہے۔
رپورٹ میں کہا گیا ہے کہ ٹیکنالوجی فی الحال صرف کارکنوں کو مدد فراہم کرنے میں اچھی ہے اور جب تک اس کی مسئلہ حل کرنے کی صلاحیتوں میں بہتری نہیں آتی، یہ انسانی افرادی قوت کا مقابلہ نہیں کر سکتی۔.
آئی ایم ایف کے سربراہ نے خبردار کیا کہ اے آئی ٹیکنالوجی عالمی ملازمتوں کو خطرہ بنا سکتی ہے۔ماہرین کے مطابق، ہم AI ٹیکنالوجی کو اس کی موجودہ شکل میں نہیں سمجھتے، اسے صرف ایک بہت ہی جدید ڈیجیٹل اسسٹنٹ کہا جا سکتا ہے اور یہ کچھ شعبوں کے لیے بہت اہم ہو سکتا ہے، لیکن یہ ابھی تک ہماری جگہ نہیں لے سکتی۔

انہوں نے کہا کہ 5 ایسے شعبے ہیں جن میں AI ٹیکنالوجی مستقبل قریب میں انسانوں کی جگہ لے سکتی ہے۔ان شعبوں میں اکاؤنٹنگ، مارکیٹنگ، سافٹ ویئر ڈویلپمنٹ، ہیلتھ کیئر ایڈمنسٹریٹو سپورٹ اور انشورنس کلیمز شامل ہیں۔یعنی ان علاقوں میں جہاں ایک ہی کام بار بار کرنے پڑتے ہیں، وہ AI کے لیے کرنا آسان ہیں، لیکن ان علاقوں میں جہاں لوگ بات چیت کرتے ہیں یا ان کے کام ایک جیسے نہیں ہوتے، یہ ٹیکنالوجی فی الحال انسانوں کی جگہ نہیں لے سکتی۔