اردو ورلڈ کینیڈا ( ویب نیوز ) جنوبی افریقہ کے اسٹار کرکٹر ہاشم آملہ نے تمام طرز کی کرکٹ سے ریٹائرمنٹ کا اعلان کردیا۔ ہاشم آملہ نے 2019 میں انٹرنیشنل کرکٹ سے ریٹائرمنٹ کا اعلان کیا تھا جس کے بعد وہ انگلش کاؤنٹی میں کھیلتے نظر آئے تھے تاہم اب انہوں نے پروفیشنل کرکٹ سے ریٹائرمنٹ کا اعلان کردیا ہے۔39 سالہ ہاشم آملہ نے 124 ٹیسٹ میچوں میں جنوبی افریقہ کی نمائندگی کی جس میں انہوں نے 46.64 کی اوسط سے 9,282 رنز بنائے جس میں 28 سنچریاں شامل ہیں۔

بلے باز وہ ہیں جو زیادہ رنز بناتے ہیں۔ہاشم آملہ کا ٹیسٹ کرکٹ میں سب سے زیادہ اسکور 311 ناٹ آؤٹ ہے جو انہوں نے 2012 میں اوول میں انگلینڈ کے خلاف بنایا تھا۔ وہ ٹرپل سنچری بنانے والے پہلے جنوبی افریقی بلے باز بھی ہیں۔ہاشم آملہ نے تینوں فارمیٹس میں مجموعی طور پر 18,672 رنز بنائے، وہ جنوبی افریقہ کے لیے 181 ون ڈے اور 44 ٹی ٹوئنٹی بھی کھیل چکے ہیں۔انہوں نے 181 ون ڈے میچوں میں 27 سنچریوں کی مدد سے 8 ہزار 113 رنز بنائے جبکہ 44 ٹی ٹوئنٹی انٹرنیشنل میچوں میں 1 ہزار 277 رنز بنائے۔