اردو ورلڈ کینیڈا ( ویب نیوز ) : ماہرین نے خبردار کیا ہے کہ اگر آپ اپنے دل کو صحت مند اور بلڈ پریشر کو کم کرنا چاہتے ہیں تو اپنے فون پر کم بات کریں۔
ایک تحقیق کے مطابق ہفتے میں آدھا گھنٹہ موبائل فون پر بات کرنے سے ہائی بلڈ پریشر کا خطرہ بڑھ جاتا ہے اور جو لوگ دن میں ایک گھنٹہ فون کالز پر گزارتے ہیں ان میں اس بیماری کا امکان زیادہ ہوتا ہے۔
گوانگزو، چین کی سدرن میڈیکل یونیورسٹی کی ایک ٹیم نے یہ جاننے کی کوشش کی کہ آیا کال کرنے اور وصول کرنے اور ہائی بلڈ پریشر کی تشخیص کے درمیان کوئی تعلق ہے یا نہیں۔تحقیق میں انہوں نے دو لاکھ سے زائد برطانوی شہریوں کے ڈیٹا کا جائزہ لیا اور سوالنامے کے ذریعے ان کے موبائل فون کے استعمال سے متعلق معلومات اکٹھی کیں۔
یہ بھی پڑھیں
رات کا کھانا دیر سے کھانا صحت کیلئے کیسا ؟
سوالنامے میں لوگوں سے پوچھا گیا کہ وہ کتنے عرصے سے موبائل فون استعمال کر رہے ہیں، وہ ہفتے میں کتنے گھنٹے موبائل فون استعمال کرتے ہیں اور آیا وہ سپیکر فون یا ہینڈز فری ڈیوائس استعمال کرتے ہیں۔12 سال سے زیادہ عرصے پر محیط ایک تحقیق میں، محققین نے پایا کہ جو لوگ ہر ہفتے 30 منٹ یا اس سے زیادہ فون پر بات کرتے ہیں ان میں ہائی بلڈ پریشر کا امکان کم ہوتا ہے۔
فون کال پر ہفتے میں چھ گھنٹے سے زیادہ وقت گزارنے والوں میں ہائی بلڈ پریشر کا خطرہ پانچ منٹ سے کم وقت گزارنے والوں کے مقابلے میں 25 فیصد زیادہ تھا۔
