احتساب عدالت کے جج محمد بشیر نے آصف زرداری، نواز شریف، یوسف رضا گیلانی اور دیگر کے خلاف توشہ خانہ ریفرنس کی سماعت کی، نواز شریف کے وکیل قاضی مصباح، ارشد تبریز، نیب پراسیکیوٹر عرفان بھولا اور سہیل عارف عدالت میں پیش ہوئے۔

نواز شریف کے وکیل رانا عرفان بھی عدالت میں پیش ہو کر تفتیش میں شامل ہو گئے ہیں۔

پراسیکیوٹر نے عدالت میں کہا کہ مزید کارروائی کی جائے گی اور اس کے لیے کچھ وقت درکار ہے۔

وکیل صفائی قاضی مصباح نے عدالت میں کہا کہ نواز شریف کو تفتیش میں شامل کیا گیا ہے، سوالنامہ فراہم کیا گیا، نیب ریفرنس 2019 میں بنایا گیا، اس وقت نواز شریف بہت بیمار تھے۔

انہوں نے کہا کہ نواز شریف سے گاڑی لینے کا کوئی مطالبہ نہیں کیا گیا، ایسی کوئی دستاویز نہیں کہ نواز شریف نے کوئی گاڑی مانگی، جس پر عدالت نے نیب سے استفسار کیا کہ اب کیا کرنا ہے، جس پر پراسیکیوٹر نے کہا کہ اب بیان دیکھیں گے  اور پھر اس پر مزید کارروائی کریں۔

عدالت نے کیس کی سماعت 20 دسمبر تک ملتوی کر دی۔