اردو ورلڈ کینیڈا ( ویب نیوز)پی ٹی آئی لانگ مارچ  کیخلاف درخواست پر آج سماعت آج ہوگی

سپریم کورٹ آف پاکستان پی ٹی آئی لانگ مارچ کے خلاف درخواست پر سماعت آج کریگی

پی ٹی آئی لانگ مارچ کیخلاف درخواست سینیٹر کامران مرتضیٰ نے دائر کی تھی جس پر سماعت آج ہوگی۔
سپریم کورٹ کے رجسٹرار آفس نے اس حوالے سے کامران مرتضیٰ کو نوٹس جاری کر دیا ہے

جب کہ چیف جسٹس عمر عطا بندیال کی سربراہی میں تین رکنی بینچ تشکیل دے دیا گیا ہے جس میں جسٹس عائشہ ملک اور جسٹس اطہر من اللہ شامل ہیں۔
یہاں یہ بات قابل ذکر ہے کہ پی ٹی آئی کے چیئرمین اور سابق وزیراعظم عمران خان اس وقت اپنے لانگ مارچ میں مصروف ہیں، تاہم تقریباً دو ہفتے قبل عمران ان پر قاتلانہ حملے میں زخمی ہوگئے تھے، جس کے بعد وہ ویڈیو لنک کے ذریعے مارچ کے شرکاء سے خطاب کررہے ہیں۔