اردو ورلڈ کینیڈا ( ویب نیوز )پنجاب بھر میں شدید دھند اور حد نگاہ کم ہونے کے باعث موٹر ویز سمیت اہم شاہراہیں بند کر دی گئی ہیں جب کہ علامہ اقبال انٹرنیشنل ایئرپورٹ پر وارننگ الرٹ جاری کر دیا گیا ہے۔

موٹرویز پولیس حکام کے مطابق شدید دھند کے باعث موٹروے ایم 1 پشاور ٹول پلازہ سے رشکئی انٹر چینج، موٹروے ایم ٹو نارتھ اسلام آباد ٹول پلازہ سے کوٹ مومن تک اور موٹروے ایم ٹو سائوتھ ٹھوکر نیاز بیگ سے کوٹ مومن تک بند ہے۔

موٹروے ایم 3 فیض پور سے درخانہ، ایم 4 شیر شاہ سے عبدالحکیم اور ایم 5 شیر شاہ سے ظاہر پیر تک بند ہے، موٹروے ایم 11 کو لاہور سے سمبڑیال تک بھی بند کر دیا گیا ہے۔

ملتان میں دھند، پاک نیوزی لینڈ ٹیسٹ کراچی منتقل ہونے کا امکان

دوسری جانب علامہ اقبال انٹرنیشنل ایئرپورٹ لاہور پر بھی دھند کا راج ہے، حد نگاہ 1500 میٹر سے کم ہونے کے باعث وارننگ الرٹ جاری کر دیا گیا ہے۔

ایئرپورٹ حکام کے مطابق دھند کے باعث کئی ملکی اور بین الاقوامی پروازوں کا شیڈول متاثر ہوا ہے۔