اردو ورلڈ کینیڈا ( ویب نیوز ) پاکستان اور بھارت کے درمیان اتوار کو ہونے والا ایشیا کپ کا بڑا ون ڈے میچ بارش کے باعث روک دیا گیا تھا جو آج سے شروع ہوگا۔

لیکن کولمبو میں کرکٹ کے لیے حالات ابھی بھی سازگار نہیں ہیں، اتوار کی رات سے مسلسل بوندا باندی اور پیر کی صبح کے اوائل میں موسلادھار بارش۔

کولمبو میں ابر آلود اور تیز ہوائیں چل رہی ہیں، آج دن بھر وقفے وقفے سے بارش کی پیش گوئی ہے۔دوپہر میں مزید موسلادھار بارش کے امکانات ہیں جس کے باعث آج ہونے والا پاک بھارت میچ متاثر ہونے کا خدشہ ہے۔ دن بھر بارش کا 80 سے 90 فیصد امکان ہے۔
واضح رہے کہ گزشتہ روز بارش کے باعث صرف 24.1 اوورز کا کھیل ممکن ہوسکا تھا، آج ریزرو ڈے پر کھیل وہیں سے شروع ہوگا جہاں کل ختم ہوا تھا۔ہندوستان نے کے ایل راہول اور ویرات کوہلی کی کریز پر دو وکٹوں کے نقصان پر 147 رنز بنائے۔