315
اردو ورلڈ کینیڈا ( ویب نیوز ) روم میں پاکستانی سفارتخانے نے اٹلی میں کشتی ڈوبنے کے واقعے کے ورثا کے لیے ہیلپ لائن قائم کر دی ہے۔
پاکستانی سفارتخانے کے مطابق ورثاء معلومات کے لیے واٹس ایپ نمبر +393898716588 پر رابطہ کر سکتے ہیں
ترکی سے غیر قانونی طور پر اٹلی جانے والی کشتی ڈوب گئی جس کے نتیجے میں پاکستانیوں سمیت 58 افراد جاں بحق ہوگئے۔پاکستانی سفارتخانے کے مطابق اٹلی کے شہر کلابریا کے ساحل پر ڈوبنے والی کشتی میں مبینہ طور پر 40 پاکستانی سوار تھے جن میں سے 28 کی لاشیں مل گئی ہیں اور 12 لاپتہ ہیں۔ پاکستانی سفارتخانے کے مطابق وہ اطالوی حکام اور میری ٹائم ایجنسیوں کے ساتھ ساتھ کالابریا میں کیسٹیلین کمیونٹی اور رضاکاروں سے بھی رابطے میں ہیں۔
