غزہ پر اسرائیلی جارحیت کے آغاز کے بعد اپنی دوسری تقریر میں حسن نصر اللہ نے کہا کہ حالیہ دنوں میں ان کے مسلح گروپ نے نئے قسم کے ہتھیاروں کا استعمال کرتے ہوئے اسرائیلی اہداف کو نشانہ بنایا ہے۔ٹیلیویژن خطاب میں حسن نصراللہ نے کہا کہ اسرائیل کے خلاف ہماری کارروائیوں میں بہتری آئی ہے۔

یہ بھی پڑھیں

اسرائیلی ڈرون مار گرایا،حزب اللہ کا دعوی

انہوں نے کہا کہ مختلف قسم کے ہتھیاروں کے ساتھ ساتھ آپریشنز کی تعداد، حجم اور اہداف کی تعداد میں اضافہ ہوا ہے۔ان کا مزید کہنا تھا کہ حزب اللہ نے برقان میزائل بھی استعمال کیا جس کا وزن 300 سے 500 کلوگرام کے درمیان ہے اور حزب اللہ نے بھی پہلی بار مسلح ڈرون کا استعمال کیا۔اس سے قبل حسن نصر اللہ نے اپنے پہلے خطاب میں امکان ظاہر کیا تھا کہ لبنان میں اسرائیل کے ساتھ جاری جھڑپیں ایک بھرپور جنگ میں تبدیل ہو سکتی ہیں۔