ایوانِ زیریں میں اراکین نے کین ڈرائیڈن کی یاد میں ایک منٹ کی خاموشی اختیار کی۔ ڈرائیڈن نہ صرف مونٹریال کینیڈینز کے مشہور گول کیپر رہے بلکہ وہ مصنف، وکیل، سیاستدان اور وفاقی کابینہ کے وزیر کے طور پر بھی نمایاں خدمات انجام دے چکے تھے۔وزیرِاعظم مارک کارنی  نے کین ڈرائیڈن کو قومی ہیرو قرار دیتے ہوئے کہا کہ وہ ان کے ذاتی آئیڈیل بھی تھے۔ وزیرِاعظم نے مزید کہا کہ ڈرائیڈن ہی وہ شخصیت تھے جن کی وجہ سے وہ خود بھی ہاکی میں گول کیپر بنے۔

کارنی نے یاد دلایا کہ ان کے کئی ساتھی اراکین کو ڈرائیڈن کے ساتھ بطور رکنِ پارلیمنٹ (یورک سینٹر) کام کرنے کا اعزاز حاصل رہا۔

اس موقع پر کنزرویٹو پارٹی کے **جان براساد**، بلاک کیوبیکوا کے **مارٹن شیمپو** اور این ڈی پی کی **لیہ غازان** نے بھی خراجِ عقیدت پیش کیا۔ واضح رہے کہ ہاکی ہال آف فیم کے رکن کین ڈرائیڈن رواں ماہ کے آغاز میں 78 برس کی عمر میں کینسر کے باعث انتقال کر گئے تھے۔