اردو ورلڈ کینیڈا ( ویب نیوز)آئندہ بارہ گھنٹوں کے دوران ملک کے بیشتر میدانی علاقوں میں موسم زیادہ تر گرم اور خشک رہنے کا امکان ہے۔
تاہم بالائی خیبرپختونخوا، شمالی پنجاب، جنوب مشرقی سندھ، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔
آج صبح ریکارڈ کیے گئے چند بڑے شہروں کے درجہ حرارت:
اسلام آباد اور پشاور تئیس ڈگری سینٹی گریڈ، لاہور ستائیس، کراچی چھبیس، کوئٹہ اور مظفر آباد اکیس، گلگت اٹھارہ اور مری سولہ ڈگری سینٹی گریڈ۔
بھارتی غیر قانونی طور پر مقبوضہ جموں و کشمیر کے لیے محکمہ موسمیات کی پیش گوئی کے مطابق سری نگر، جموں، لیہہ، پلوامہ، اننت ناگ، شوپیاں اور بارہمولہ میں بارش، آندھی اور گرج چمک کے ساتھ موسم جزوی طور پر ابر آلود رہنے کا امکان ہے۔
آج صبح ریکارڈ کیا گیا درجہ حرارت:
سری نگر، پلوامہ اور شوپیاں سولہ ڈگری سینٹی گریڈ، جموں چوبیس، لیہہ نو، اننت ناگ پندرہ اور بارہمولہ سترہ ڈگری سینٹی گریڈ۔
