اردو ورلڈ کینیڈا ( ویب نیوز ) یمن کی حوثی اتھارٹی نے سویڈن میں قرآن پاک کی بے حرمتی پر سویڈن کی درآمدات پر پابندی عائد کر دی۔
غیر ملکی میڈیا کے مطابق یمن کے شمال میں کنٹرول کرنے والی حوثی اتھارٹی نے سویڈن میں قرآن پاک کی بے حرمتی پر احتجاجاً سویڈش کی درآمدات پر پابندی لگا دی۔
یہ بھی پڑھیں
قرآن پاک کی بے حرمتی ،عراق کا ملعون کی گرفتاری کیلئے انٹر پول سے رابطہ
میڈیا رپورٹس کے مطابق یمنی میڈیا نے حوثی وزیر تجارت کے حوالے سے بتایا کہ یمن قرآن پاک کی بے حرمتی کے بعد سویڈش تجارت پر پابندی لگانے والا پہلا ملک بن گیا ہے۔وزیر نے سویڈش کی درآمدات کو "محدود” قرار دیا لیکن کہا کہ یہ فیصلہ علامتی تھا اور حوثیوں کے لیے پابندی کم سے کم تھی، جبکہ ساتھی اسلامی ممالک سے بھی اس کی پیروی کرنے کا مطالبہ کیا گیا۔واضح رہے کہ سویڈن کے دارالحکومت اسٹاک ہوم کی مسجد کے باہر عید الاضحی کے روز قرآن پاک کو جلانے اور بے حرمتی کرنے کا واقعہ پیش آیا تھا۔
مزید پڑھیں
یوم القدس ، قرآن پاک کی بے حرمتی کیخلاف ملک بھر میں احتجاجی مظاہرے،ریلیاں
اسٹاک ہوم میں پولیس نے عراق سے تعلق رکھنے والے ایک شہری کو متعدد بار قرآن پاک جلانے کی اجازت دینے سے انکار کیا تھا تاہم مقامی عدالت نے پولیس کے اس فیصلے کو آزادی اظہار کے خلاف قرار دیا۔مقامی پولیس نے عید پر شہری کو شہر کی مرکزی جامع مسجد کے باہر مظاہرہ کرنے کی اجازت دی جس کے بعد ملزمان نے قرآن پاک کو آگ لگا دی اور مسلمانوں کی مقدس کتاب کی بے حرمتی کی۔
