اردو ورلڈ کینیڈا ( ویب نیوز ) ملائیشیا میں تاجپوشی کی تقریب میں موٹر سائیکل چلانے کا شوق رکھنے والے ارب پتی سلطان ابراہیم کو بادشاہ کا تاج پہنایا گیا۔65 سالہ سلطان ابراہیم کو کوالالمپور کے نیشنل پیلس میں 17ویں بادشاہ کے طور پر تاج پہنایا گیا ہے، انہوں نے جنوری میں بادشاہ کے طور پر حلف اٹھایا تھا۔ملائیشیا میں بادشاہت کا نظام ہے، ملائیشیا کی 9 ریاستوں کے حکمرانوں کے درمیان ہر پانچ سال بعد تخت تبدیل ہوتا ہے، جن کی سربراہی صدیوں پرانی اسلامی شاہی ہوتی ہے، 2018 کے انتخابات میں شکست کے بعد تین بار اسکینڈل سے دوچار وزیراعظم نجیب رزاق کے بعد ایسے مواقع پیدا ہوئے جن میں بادشاہت کی مداخلت ضروری تھی۔ملائیشیا کا بادشاہ سیاسی تقرریوں کی نگرانی کرتا ہے، مسلم اکثریتی ملک کے سربراہ اور مسلح افواج کے کمانڈر انچیف کے طور پر کام کرتا ہے۔
بلومبرگ نے رپورٹ کیا کہ سنگاپور کے سلطان ابراہیم اور ان کے خاندان کی مالیت 5.7 بلین ڈالر ہے، اور اس خاندان نے سنگاپور میں پام آئل، رئیل اسٹیٹ اور ٹیلی کمیونیکیشن کی صنعتوں میں بھی سرمایہ کاری کی ہے۔تقریب میں ملائیشیا کے وزیراعظم انور ابراہیم، برونائی کے سلطان حسنال بولکیہ اور بحرین کے شاہ حمد بن عیسیٰ الخلیفہ سمیت کئی اہم افراد نے شرکت کی۔اس سے قبل ملائیشیا کے بادشاہ نے روایتی کوٹ اور سونے کے دھاگے سے مزین شاہی لباس زیب تن کیا تھا، سلطان ابراہیم نے اپنے عہدہ کے حلف میں مذہب اسلام کو برقرار رکھنے اور ملائیشیا میں امن کو یقینی بنانے کا عہد کیا تھا۔
