روسی فوجی ٹرانسپورٹ طیارہ یوکرین سے واپسی پر بیلگوروڈ میں گر کر تباہ ہو گیا اور اس میں آگ لگ گئی. کوئی مدد ملنے سے پہلے ہی طیارہ مکمل طور پر جل کر راکھ ہو گیا تھا،اس طیارے میں یوکرین کے 65 جنگی قیدیوں کو روسی قیدیوں کے تبادلے کے لیے لایا جا رہا تھا جب کہ طیارے میں عملے کے 5 ارکان اور 3 روسی فوجی بھی موجود تھے. حادثے میں تمام افراد ہلاک ہو گئے.
حادثے کی ایک ویڈیو میں طیارے کو تیزی سے عمودی طور پر اترتے اور رہائشی علاقے میں زمین سے ٹکراتے ہوئے دیکھا جا سکتا ہے۔دریں اثنا، روسی پارلیمنٹ کے اسپیکر ویاچسلاو ولوڈن نے یوکرین پر جنگی قیدیوں کو لے جانے والے مسافر طیارے کو مار گرانے کا الزام لگایا. یوکرین نے اپنے ہی فوجیوں کو ہوا میں گولی مار دی.دوسری طرف اے ایف پی نے مقامی یوکرائنی میڈیا کے حوالے سے بتایا کہ اس کی دفاعی افواج نے روسی طیارے کو اس لیے مار گرایا کیونکہ طیارہ S-300 زمینی فضائی دفاعی نظام کے لیے میزائل لے کر جا رہا تھا ،یاد رکھیں کہ روسی IL-76 طیارے کو فوجیوں، کارگو اور فوجی سازوسامان جیسے ٹینک، ہووٹزر اور گولہ بارود کی نقل و حمل کے لیے ڈیزائن کیا گیا تھا.
