اردو ورلڈ کینیڈا ( ویب نیوز ) نیورو سائنسدانوں، ماہر نفسیات اور ڈاکٹروں نے اپنے تجربات کی روشنی میں چند چھوٹی چھوٹی عادات اور مشاغل بتائے ہیں جنہیں اپنا کر عمر کے ساتھ دماغ کی تنزلی کو کم کیا جا سکتا ہے اور اگر اسے باقاعدگی سے اپنایا جائے تو دماغ طویل عرصے تک صحت مند رہتا ہے
دوستوں کو گھر بلانا
۔برطانیہ میں الزائمر کی تحقیق میں شامل لوگوں نے کہا ہے کہ دوستوں کو بلانا چاہے وہ آپ کو بلائیں یا نہ بلائیں دماغ پر مثبت اثرات مرتب کرتے ہیں۔ دوسری طرف، اپنے فارغ وقت میں لفظی پہیلیاں حل کریں یا اگر آپ کے پاس زیادہ وقت ہے تو شطرنج کو آزمائیں کیونکہ یہ دماغ کو متحرک کرتا ہے۔
پیدل چلنا
پیدل چلنا آپنی عادت بنا لیں ، اگر آپ گھر سے باہر جا رہے ہیں تو کوشش کریں پیدل جائیں ، نہیں تو کم ازکم تھوڑا فاصلہ ضروری پیدا طےکریں
باغبانی ، کتابوں کو وقت دیں
باغبانی شروع کریں اور گھر کی صفائی میں دلچسپی پیدا کریں۔ اگر آپ پینٹنگ، ڈرائنگ اور دیگر مشاغل میں دلچسپی رکھتے ہیں تو ان کو اپنائیں اور کتابوں کو بھی وقت دیں۔
نئی زبانیں سیکھی جائیں
دیگر ماہرین نے کہا ہے کہ دماغ کو جتنا زیادہ استعمال کیا جائے گا، اتنی ہی زیادہ توانائی ہوگی اور اسی لیے نئی زبان سیکھنی چاہیے، چاہے آپ کسی بھی عمر کے ہوں، پرانے دوستوں کو مدعو کریں اور ان کے ساتھ پکنک کا منصوبہ بنائیں۔
کھانے میں احتیاط
کھانے میں مٹھائیوں اور چینی کو کم کرکے نہ صرف دماغی بیماریاں بلکہ کئی طرح کی بیماریوں سے بھی بچا جا سکتا ہے۔
نیند
پوری نیند لیں اور نیند کی اہمیت کو سمجھیں، دوسری طرف زیادہ سے زیادہ متحرک رہیں اور بیٹھنے سے گریز کریں۔ کھلی اور سر سبز جگہ پر وقت گزارنے سے بھی دماغ پر اچھے اثرات مرتب ہوتے ہیں۔ گھر کا راستہ تبدیل کریں اور متبادل راستے تلاش کریں۔
سگریٹ نوشی سے گریز
سگریٹ نوشی کو مکمل طور پر چھوڑ دیں اور صبح کے وقت کافی پینے کی عادت ڈالیں۔ اگر سماعت کم ہو رہی ہے تو اس پر توجہ دیں اور ڈاکٹر سے رجوع کریں۔ لوگوں سے نرمی سے بات کریں، رضاکارانہ کاموں میں حصہ لیں
چھوٹی چھوٹی خوشیاں
چھوٹی چھوٹی خوشیوں کو ضائع نہ کریں۔ ماہرین کا اصرار ہے کہ یہ چھوٹی اور مثبت عادات دماغ کے لیے بہت فائدہ مند ہیں اور ان پر زیادہ عمل کرنا بہت فائدہ مند ثابت ہوگا۔
