اردو ورلڈ کینیڈا ( ویب نیو ز) سعودی وزارت حج و عمرہ نے عازمین حج کو بینکنگ فراڈ سے بچنے کی ہدایات جاری کردی ہیں۔

سعودی میڈیا کے مطابق اس سال عمرہ کی سعادت حاصل کرنے کے لیے بیرون ملک سے زائرین غیر معمولی تعداد میں مکہ مکرمہ پہنچ رہے ہیں۔

یہ بھی پڑھیں

عازمین جتنی بار چاہیں عمرہ ادا کر سکتے ہیں ، سعودی وزارت حج

دنیا بھر میں جعلسازی اور ڈیجیٹل فراڈ کے واقعات میں تیزی سے اضافہ ہوا ہے اور اس سے محفوظ رہنے کے لیے وزارت حج و عمرہ نے درج ذیل ہدایات جاری کی ہیں۔
1- قابل اعتماد بینکنگ ایپس ڈاؤن لوڈ کرنے میں محتاط رہیں۔
2- بینک کارڈ پن اور پاس ورڈ کی معلومات کسی کو نہ دیں۔
3- رقم کی منتقلی کے لیے مستند ذرائع استعمال کریں۔
4- موبائل فون اور سوشل ایپس پر موصول ہونے والے نامعلوم پیغامات اور لنکس پر کلک نہ کریں۔
5- فراڈ کی اطلاع فوری طور پر بینک اور مجاز حکام کو دیں۔
اس کے علاوہ سعودی وزارت حج و عمرہ نے عازمین سے درخواست کی ہے کہ وہ 60 ہزار ریال سے زیادہ رقم، سونا، قیمتی پتھر اور دیگر مہنگی اشیاء اپنے ساتھ نہ لائیں۔