اردو ورلڈ کینیڈا ( ویب نیوز ) فیس بک پوسٹ نے 44 سال سے بچھڑے بیٹے کو ماں سے ملوا دیا
حیرت کی بات یہ ہے کہ ماں کا خیال تھا کہ بیٹا زندہ نہیں ہے جبکہ بیٹا بھی ماں کے بارے میں
یہی سوچتا تھا ۔
44 سال قبل اردنی شہری کی مصری بیوی نے وسام محمد کو جنم دیا۔اس وقت دونوں کے تعلقات اچھے نہیں تھے
اور طلاق کی کارروائی چل رہی تھی۔ولادت کے 2 ہفتے بعد وسام محمد بیمار ہوگیا اور اس کے والد نے اپنی بیوی
کو اطلاع دی کہ بچہ اسپتال میں فوت ہوگیا ہے۔وسام محمد کے مطابق میرے والد کو ڈر تھا کہ میری والدہ
مجھے اپنے ساتھ نہ لے جائیں۔جوڑے میں طلاق ہو گئی اور وسام محمد کی والدہ یہ سوچ کر قاہرہ، مصر چلی گئیں
کہ ان کا بیٹا زندہ نہیں ہے۔4 دہائیوں تک وسام محمد کو یقین تھا کہ ان کی والدہ زندہ نہیں ہیں۔
لیکن 4 سال پہلے اسے احساس ہوا کہ ماں شاید زندہ ہے کیونکہ وکلاء خاتون کا ڈیتھ سرٹیفکیٹ نہیں ڈھونڈ سکے
لیکن وہ ماں کو نہیں ڈھونڈ سکے۔2022 کے اوائل میں اردن میں وسام محمد کے ایک رشتہ دار نے
مصری خاتون کی تصاویر تلاش کیں۔رشتہ دار نے تصاویر سوشل میڈیا پر پوسٹ کیں اور وسام کے ایک مصری دوست نے
یہ پوسٹ دیکھی اور لاپتہ بچوں کے فیس بک پیج سے رابطہ کیا۔یہ فیس بک صفحہ مشرق وسطیٰ میں
لاپتہ بچوں اور ان کے والدین کو دوبارہ ملانے کے لیے 2015 میں قائم کیا گیا تھا
یہ بھی پڑھیں
بلاول بھٹو نے پاکستانی فیس بک صارفین کو بڑی خوشخبری سنا دی
اس فیس بک پیج پر 6 دسمبر کو خاتون کی تصاویر پوسٹ کر کے بتایا گیا کہ وسام اپنی ماں کو تلاش کر رہے ہیں
24 گھنٹے کے اندر فیس بک پیج اس خاتون کو تلاش کرنے میں کامیا ب ہو گیا
