تیسری سہ ماہی 2023 کی آمدنی کی تفصیلات جاری کرتے ہوئے، میٹا نے کہا کہ یومیہ فیس بک استعمال کرنے والے صارفین کی تعداد جولائی اور ستمبر 2023 کے درمیان 5 فیصد بڑھ گئی۔میٹا نے کہا کہ اس سہ ماہی کے دوران واٹس ایپ، انسٹاگرام، میسنجر اور اب تھریڈز سمیت اس کے ایپس کے یومیہ صارفین کی تعداد میں 7 فیصد اضافہ ہوا۔اس اضافے کے بعد یہ تعداد 3 ارب 14 کروڑ تک پہنچ گئی ہے۔

یہ بھی پڑھیں

فیس بک میسنجر پر میسجز کرنا اب ناممکن ہو گا

مارک زکربرگ نے سہ ماہی رپورٹ کی تفصیل دیتے ہوئے کہا کہ صارفین نے اس سال کی تیسری سہ ماہی کے دوران گزشتہ سال کی اسی مدت کے مقابلے میں 7 فیصد زیادہ وقت فیس بک پر گزارا۔اس سہ ماہی کے دوران کمپنی کی آمدنی 23 فیصد بڑھ کر 34.15 بلین ڈالر ہو گئی

مزید پڑھیں

کینیڈا میں بغیر ادائیگی فیس بک اور انسٹاگرام کی خبروں پر پابندی

۔میٹا کی ایپس کے صارفین میں اضافے کی بڑی وجہ ریلز ویڈیوز کو بتایا گیا۔ٹک ٹاک کی نقل پر مبنی یہ فیچر فیس بک اور انسٹاگرام صارفین میں کافی مقبول ہو چکا ہے۔مارک زکربرگ نے تھریڈز میں کہا ہے کہ وہ 3 ماہ میں اس نئی ایپ کی پیش رفت سے مطمئن ہیں اور امید ہے کہ اگلے چند سالوں میں اس کے صارفین کی تعداد بھی ایک ارب تک پہنچ جائے گی۔