بھارتی میڈیا کے مطابق منجو گپتا نامی ایک بھارتی خاتون نے اپنے شوہر اور بچوں کے اسمارٹ فون کی لت سے چھٹکارا پانے کے لیے ایک معاہدہ تیار کیا جس پر انہوں نے سب سے دستخط لئے ،خاتون کا کہنا تھا کہ ان کا خاندان ایک دوسرے کے مقابلے میں اپنے موبائل فون کے قریب ہو گیا ہے.
منجو گپتا کے معاہدے پر دستخط کا مقصد اسمارٹ فونز کے متوازن استعمال اور خاندان کے ساتھ وقت گزارنے کی عادت کو فروغ دینا ہے.
معاہدہ، جو ہندی میں کاغذ کے ایک ٹکڑے پر لکھا گیا ہے، تین اصول بتاتا ہے جو درج ذیل ہیں:
جب گھر والے صبح اٹھتے ہیں تو اپنے فون کی بجائے سورج کودیکھیں گے
ہر ایک کو کھانے کی میز پر ایک ساتھ کھانا چاہئے اور اس وقت کے دوران کسی کے پاس موبائل فون نہیں ہونا چاہئے.
وا ش روم میں کسی کو موبائل فون لے کرجانے کی اجازت نہیں ہوگی
معاہدے میں یہ بھی کہا گیا ہے کہ یہ فیصلہ غصے میں نہیں لیا گیا. اور سزا یہ ہے کہ اگر کوئی ضابطے کی خلاف ورزی کرتا ہے تو اس پر ایک ماہ کے لیے آن لائن کھانا آرڈر کرنے پر پابندی ہوگی.