جلالپور پیر والا اور ملحقہ علاقوں میں شدید سیلاب، لاکھوں متاثرین کا انخلا، ہزاروں دیہات زیر آب

تصنیف کردہ ishtiaq ahmed
Flood-affected areas in Punjab with ongoing rescue operations
Flood-affected areas in Punjab with ongoing rescue operations

اردوورلڈ کینیڈا( ویب نیوز)دریائے چناب اور دریائے ستلج نے تحصیل جلال پور پیر والا اور ملحقہ علاقوں میں شدید تباہی مچادی ہے۔ سیلاب کے باعث سیکڑوں دیہات متاثر ہوئے اور شہر میں پانی داخل ہونے کا خطرہ پیدا ہو گیا، جس کے پیش نظر مقامی انتظامیہ نے شہریوں کو محفوظ مقامات پر منتقل کرنے کے لیے مساجد سے اعلانات کیے۔

پی ڈی ایم اے پنجاب کے مطابق صوبے کے تمام اہم دریاؤں میں طغیانی کی کیفیت برقرار ہے۔ ملتان میں جلالپور پیروالا میں ریسکیو ٹیمیں، پولیس، سول ڈیفنس اور دیگر ادارے رات بھر جاری آپریشن کے ذریعے شہریوں کے انخلا میں مصروف ہیں۔ تقریباً 2 ہزار افراد کو محفوظ مقامات پر منتقل کیا جا چکا ہے جبکہ ریسکیو آپریشن تب تک جاری رہے گا جب تک آخری متاثرہ شخص کو محفوظ مقامات پر نہ پہنچا دیا جائے۔

جھنگ میں دریائے چناب کے ہیڈ تریموں پر انتہائی اونچے درجے کا سیلاب ہے جس سے 304 دیہات متاثر ہوئے اور 3 لاکھ 87 ہزار افراد کو محفوظ مقامات پر منتقل کیا جا چکا ہے۔ منڈی بہاالدین میں دریائے چناب پر ہیڈ قادرآباد بیراج کے مقام پر پانی کے تیز بہاؤ نے 70 دیہات اور ایک لاکھ سے زائد آبادی کو متاثر کیا، جبکہ سیکڑوں ایکڑ پر فصلیں بہہ گئیں اور 3 ہزار 665 افراد کو محفوظ مقامات پر منتقل کیا گیا۔

یہ خبر بھی پڑھیں :چناب اور ستلج میں خطرناک سیلابی ریلے، ہزاروں ایکڑ فصلیں تباہ

پی ڈی ایم اے کے مطابق دریائے ستلج پر گنڈا سنگھ والا میں انتہائی اونچے درجے کا سیلاب ہے جہاں پانی کا بہاؤ 3 لاکھ 19 ہزار کیوسک ہے، جبکہ ہیڈ سلیمانکی کے مقام پر پانی کا بہاؤ ایک لاکھ 35 ہزار کیوسک ریکارڈ کیا گیا ہے۔ دریائے چناب پر ہیڈ مرالہ، ہیڈ ورکس اور قادر آباد پر پانی کے بہاؤ میں مختلف درجے کے سیلاب ہیں، ہیڈ تریموں پر پانی کا بہاؤ 5 لاکھ 43 ہزار کیوسک تک پہنچ گیا۔

دریائے راوی میں جسڑ اور شاہدرہ پر سیلاب کی صورتحال برقرار ہے جبکہ گھوٹکی میں دریائے سندھ کے کچے علاقے زیر آب آ گئے۔ کوٹری بیراج کے مقام پر پانی میں کمی کے بعد انتظامیہ نے دریائے سندھ کی چار نہروں سے پانی کا اخراج شروع کیا، اور کے بی فیڈر نہر میں 2,100 کیوسک پانی کی روانی برقرار رکھی گئی۔

صوبائی حکومت اور تمام متعلقہ ادارے متاثرہ علاقوں میں ریسکیو اور حفاظتی اقدامات جاری رکھے ہوئے ہیں تاکہ شہریوں اور جانوروں کو محفوظ مقامات پر منتقل کیا جا سکے۔

اگر آپ بھی ہمارے لیے اردو بلاگ لکھنا چاہتے ہیں تو  800 سے 1,200 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنا مختصر  تعارف کے ساتھ URDUWORLDCANADA@GMAIL.COM پر ای میل کردیجیے۔

امیگریشن سے متعلق سوالات کے لیے ہم سے رابطہ کریں۔

کینیڈا کا امیگریشن ویزا، ورک پرمٹ، وزیٹر ویزا، بزنس، امیگریشن، سٹوڈنٹ ویزا، صوبائی نامزدگی  .پروگرام،  زوجیت ویزا  وغیرہ

نوٹ:
ہم امیگریشن کنسلٹنٹ نہیں ہیں اور نہ ہی ایجنٹ، ہم آپ کو RCIC امیگریشن کنسلٹنٹس اور امیگریشن وکلاء کی طرف سے فراہم کردہ معلومات فراہم کریں گے۔

ہمیں Urduworldcanada@gmail.com پر میل بھیجیں۔