اردو ورلڈ کینیڈا ( ویب نیوز ) طوفان ایون نے تباہی مچا دی، لندن میں نظام زندگی مفلوج،لاکھوں افراد بجلی سے محروم ہو گئے

Ioannis نامی شدید طوفان شمالی بحر اوقیانوس میں موجود ہے جس نے برطانیہ اور آئرلینڈ کے کئی علاقوں کو اپنی لپیٹ میں لے لیا ہے۔میڈیا رپورٹس میں بتایا گیا ہے کہ طوفان کے باعث 160 کلومیٹر فی گھنٹہ کی رفتار سے ہوائیں چل رہی ہیں جس سے بجلی کا نظام بری طرح متاثر ہوا ہے اور 10 لاکھ سے زائد گھر بجلی سے محروم ہیں۔اطلاعات کے مطابق طوفان نے درخت گرنے سے ریلوے خدمات کے ساتھ ساتھ سڑکوں کو بھی درہم برہم کر دیا ہے اور ایک ہزار سے زائد پروازیں منسوخ کر دی گئی ہیں۔برطانوی محکمہ موسمیات نے خراب موسم کے باعث آئرلینڈ کے شمالی علاقوں اور سکاٹ لینڈ کے کئی علاقوں کے لیے ریڈ وارننگ جاری کر دی ہے جب کہ شہریوں کو گھروں میں رہنے کی ہدایات بھی جاری کر دی گئی ہیں ۔ طوفانی ہواؤں کے باعث ایک درخت بھی گاڑی پر گرا جس سے ایک شخص جاں بحق ہوگیا۔