Imran 
3
اردو ورلڈ کینیڈا ( ویب نیوز ) ریاست فلوریڈا کو صدی کے بدترین طوفان ملٹن سے 50 ارب ڈالر تک کا نقصان ہونے کا خدشہ ہے۔وائٹ ہاؤس میں صحافیوں سے بات کرتے ہوئے امریکی صدر جو بائیڈن نے کہا کہ وہ اتوار کو فلوریڈا کا دورہ کریں گے کیونکہ صدی کا بدترین طوفان امریکی صدارتی انتخابات پر گہرا اثر ڈالنے والا ہے۔
اس سے قبل امریکی صدر نے اپنا دورہ جرمنی منسوخ کر دیا جہاں انہوں نے یوکرائنی حامیوں اور صدر زیلنسکی سے ملاقات کرنی تھی تاہم اب وہ سیلاب زدگان کی بحالی کے کام کی نگرانی کریں گے۔واضح رہے کہ فلوریڈا میں سمندری طوفان ملٹن سے بڑی تعداد میں گھروں، عمارتوں اور تفریحی مقامات کو بڑے پیمانے پر نقصان پہنچا ہے۔ جبکہ 22 لاکھ صارفین تاحال بجلی سے محروم ہیں۔فلوریڈا میں سمندری طوفان ملٹن سے ہلاکتوں کی تعداد 16 تک پہنچ گئی ہے اور سینکڑوں زخمی ہیں۔
