اردو ورلڈ کینیڈا ( ویب نیوز ) تصویر کھینچنا شوہر کو مہنگا پڑ گیا۔ بیوی کی شکایت پر شوہر 5000 درہم جرمانہ عائد یورپی خاتون نے اپنے شوہر کے خلاف تصاویر لینے پر پرائیویسی کی شکایت درج کرائی ہے، جس میں کہا گیا ہے کہ میرے شوہر کو فوٹو گرافی کا جنون ہے۔خاتون کا مزید کہنا تھا کہ منع ہونے کے باوجود وہ نامساعد حالات میں بھی تصویریں کھینچتا ہے
غصے اور رونے کی صورت میں بھی تصویر کشی کا شوق ختم نہیں ہوتا۔یورپی خاتون کا مزید کہنا تھا کہ اس نے کئی بار اپنے شوہر کو زبانی اور ایس ایم ایس کے ذریعے ایسا کرنے سے منع کیا لیکن وہ باز نہیں آیا، اس سب کو اپنا اختیار مانتے ہوئے کہنے پر اس نے گھر میں مختلف جگہوں پر سی سی کیمرے لگا رکھے ہیں۔
۔عدالت میں شوہر نے الزامات کو مسترد کرتے ہوئے کہا کہ اس کی بیوی نے جھوٹ بولا جس کی وجہ ذاتی اختلافات ہیں۔
دبئی پولیس کے ماتحت کریمنل ایویڈینس انسٹی ٹیوٹ نے سی سی کیمروں کے حوالے سے رپورٹ میں کہا ہے کہ شوہر اپنی بیوی کی تصاویر موبائل فون کی میموری میں محفوظ کر رہا ہے۔
عدالت نے الزام ثابت ہونے پر شوہر کو 5 ہزار درہم جرمانہ اور وکیل کی فیس ادا کرنے کا حکم دیتے ہوئے خاتون کو سول کورٹ میں ہرجانے کی درخواست جمع کرانے کا اختیار بھی دیا ہے۔
