اردو ورلڈ کینیڈا ( ویب نیوز ) ٹک ٹاک لائیو سٹریم کے دوران بیوی کو تھپڑ مارنے والے ہسپانوی شوہر کو ایک سال قید کی سزا سنائی گئی۔
ٹک ٹاک لائیو سٹریم کے دوران بیوی پر جسمانی حملہ کرنے والے شخص کو اسپین کی مقامی عدالت نے مجرم قرار دیتے ہوئے ایک سال قید کی سزا سنا دی جب کہ عدالت نے اسے تین سال تک بیوی سے دور رہنے کا بھی حکم دیا۔
ایک حکم نامہ جاری کیا گیا ہے جس کے تحت ان پر اپنی اہلیہ سے بات کرنے پر بھی پابندی ہوگی۔عدالت نے ملزمان پر 3 سال کے لیے اسلحہ رکھنے پر بھی پابندی عائد کر دی ہے۔ غیر ملکی میڈیا کے مطابق ملزم کو ٹک ٹاک لائیو سٹریم کے بعد ایک تصویر وائرل ہونے کے بعد سزا سنائی گئی جس میں شوہر نے بیوی کو زوردار تھپڑ مارا جس سے وہ رو رہی تھی۔
اسپین میں اس تصویر کے وائرل ہونے کے بعد عدالت نے بیوی کے ساتھ جسمانی زیادتی کرنے والے شخص کو جیل بھیجنے کا حکم دیا۔ اپنے فیصلے میں عدالت نے کہا کہ ملزم نے لائیو سٹریم پر ہزاروں لوگوں کے سامنے بیوی کو جسمانی طور پر نقصان پہنچایا اور اس کی عزت نفس کو ٹھیس پہنچائی اور اس کی تذلیل کی جس پر وہ رو پڑی۔
اس واقعے پر عدالت نے بیوی کی جانب سے شوہر کے لیے کیے گئے دفاع کو خاطر میں نہیں لایا اور فیصلے میں واضح کیا کہ تشدد کے مقدمات میں مدعی کی شکایت کی کوئی ضرورت نہیں۔
