اردو ورلڈ کینیڈ ا ( ویب نیوز )پاکستان تحریک انصاف کے صدر اور سابق وزیر اعلی پنجاب چوہدری پرویز الہی نے کہا ہے کہ وہ دس دن سے جیل کے ایک چھوٹے سے کمرے میں بند ہیں، ان کی طبیعت ٹھیک نہیں ہے، لیکن ان سے ملاقات نہیں کرنے دی جا رہی۔

کمرہ عدالت میں صحافیوں سے بات کرتے ہوئے چوہدری پرویز الہی نے کہا کہ میری طبیعت ٹھیک نہیں اور دس روز سے جیل کے ایک چھوٹے سے کمرے میں بند ہوں
صحافی نے سوال کیا کہ چوہدری صاحب! کیا آپ تحریک انصاف چھوڑ رہے ہیں؟ انہوں نے جواب دیا کہ مجھے ملنے نہیں دیا جا رہا، پریس کانفرنس کیسے کروں؟ یہاں بھی مجھے میڈیا سے بات کرنے کی اجازت نہیں، آپ میری حالت دیکھ رہے ہیں، اس حالت میں کیا پیش کیا گیا ہے۔
ادھر ضلع کچہری میں چوہدری پرویز الہی کی پیشی کے موقع پر پولیس نے میڈیا کو کمرہ عدالت میں جانے سے روک دیا، پولیس نے صحافیوں کو دھکے مارے۔
ایس ایچ او شبیہ رضا نے کہا ہے کہ صحافیوں کو کسی صورت عدالت کے اندر جانے کی اجازت نہیں دی جائے گی۔