132
اردو ورلڈ کینیڈا ( ویب نیوز )تحریک انصاف کے کارکنوں کی گرفتاریوں کی مذمت کرتا ہوں پاکستان عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ رات کے اندھیرے میں پی ٹی آئی کارکنوں کی بلاامتیاز گرفتار یاں کی گئیں ۔
سماجی رابطے کی ویب سائٹ ٹوئٹر پر اپنے ویڈیو پیغام میں شیخ رشید احمد نے کہا کہ رات 12 بجے کے بعد راولپنڈی پولیس نے 70 سے 80 کارکنوں کو گرفتار کیا، سیاسی کارکنوں کو پولیس نے تشدد کا نشانہ بنایا میں اس کی شدید مذمت کرتا ہوں۔
— Sheikh Rashid Ahmed (@ShkhRasheed) March 21, 2023
انہوں نے کہا کہ یہ ظلم، بربریت اور انتہا پسندی ہے، انہوں نے کسی بھی قیمت پر الیکشن سے فرار ہونے کا فیصلہ کر لیا ہے اور تحریک انصاف کے خلاف بڑے پیمانے پر کریک ڈاؤن شروع کر دیا ہے، لیکن ہمارے حوصلے بلند ہیں
سابق وزیر نے کہا کہ ہم کل کے جلسے کو تاریخی جلسہ بنائیں گے، پی ٹی آئی کے کارکنوں اور اپنے لوگوں سے کہوں گا کہ ہوشیار رہیں، پاکستان، عمران خان، اثاثوں کے دفاع کے لیے جان کی بازی لگانے کیلئے تیار ہوجائیں۔
