اردو ورلڈ کینیڈا ( ویب نیوز ) پاکستان کرکٹ ٹیم کے سابق کپتان سرفراز احمد کا کہنا ہے کہ میں نہیں چاہتا کہ میرے ساتھ جو ہوا وہ بابر اعظم یا کسی اور کے ساتھ ہو۔

سرفراز احمد نے حال ہی میں یوٹیوب پوڈ کاسٹ میں بات کرتے ہوئے کہا کہ ‘کپتان بننے میں وقت لگتا ہے، بابر ابھی کپتانی سیکھ رہا ہے، ہر کسی کے پاس بہتری کی گنجائش ہے اور کوئی غلطی کرکے سیکھتا ہے ۔

یہ بھی پڑھیں

بابر اعظم کوپاکستان کے اعلیٰ ترین سول اعزاز سے نوازا جائے گا

ان کا کہنا تھا کہ ‘میں نہیں چاہتا کہ میرے ساتھ جو ہوا وہ بابر یا کسی اور کھلاڑی کے ساتھ ہو، بابر کو میرا مشورہ ہے کہ وہ کھلاڑیوں سے روابط بڑھائیں اور اپنی کارکردگی پر توجہ دیں ۔سرفراز نے کہا کہ بابر ٹی ٹوئنٹی فارمیٹ کے نمبر ون بیٹسمین ہیں اور ان کی صلاحیتوں پر کوئی شک نہیں، میں انہیں اپنی کپتانی میں بھی اوپنر کھیلنے دوں گا۔سابق کپتان کا کہنا تھا کہ ‘بابر اوپننگ کے لیے پرفیکٹ ہیں، اگر انہیں اچھا سپورٹ ملے تو قومی ٹیم کسی بھی ہدف کا آسانی سے تعاقب کر سکتی ہے۔